იოსებ დავითაშვილი - მშრომელებს სალამი
იკურთხოს მათი მარჯვენა,
ვინც კვერსა სცემდეს ზინდახსა,
ვინც შრომით არჩენს ცოლ-შვილსა,
პურსა სჭამს შრომით წმინდასა.
სახელი, პატივ-დიდება
მათ ოფლსა, სხვისთვის დაღვრილსა!
სიმრავლე გამარჯვებაი
მათ ყველას, ნაწაღმართევსა.
ვინც გუთანს მართავს, ოფლსა ღვრის,
და ვინც მსახურობს მოძმესა,
ვინაც იხრება ტვირთ ქვეშა
და მით ინახავს ცოლ-შვილსა.
სახელი, პატივ-დიდება,
მათ ოფლსა, სხვისთვის დაღვრილსა!
სიმრავლე გამარჯვებაი
მათ ყველას, ნაწაღმართევსა.
ნუ დავივიწყებთ ნურც იმათ,
ვინც იტანჯვიან ძმათათვის,
თვითონ შიმშილსაც ითმენდნენ,
კეთილს ეძებდნენ სხვათათვის.
სახელი, პატივ-დიდება,
მათ ოფლსა, სხვისთვის დაღვრილსა!
სიმრავლე გამარჯვებაი
მათ ყველას, ნაწაღმართევსა.
ხელნაწერი დაცულია ხელნაწერთა ეროვნულ ცენტრში
Comments
Post a Comment